鐵板燒 @ 銀座日本料理鐵板燒

地點：新世界中心地下L057號舖
時間：Lunch Tim
價錢：約＄290

去開尖沙咀新世界果頭，UCC已經食過兩次，最後決定去銀座日本料理鐵板燒，呢間係達人第一次在香港食的日本鐵板燒。

我地揀選食鐵板燒，所以無得坐壽司bar的窗口位，雖然我地坐的唔係對住維港靚view，但都相信如果對住窗坐，一定好正呢～

星期六下午有D鐵板午餐只係大約$130到，達人叫左一個牛肉鐵板燒，一個海鮮鐵板燒。

套餐例牌的蔬菜沙律

Wow，有麵包索油呀，不過如果係多士索油，達人會更加喜愛。

海鮮一般，個蝦幾好味，不過細隻左D啦～

牛肉我地好似係叫厚燒的，點知佢整左薄燒，無所謂啦，橫豎又未食過薄燒。薄燒係薄牛肉包住D蔥同蒜粒的，幾好味，不過厚燒會更有牛肉味啦～

炒飯同炒什菜都是普普通通，個飯無乜味呢。


最後是紅豆雪糕，味道幾清，不是太甜，正～

韓國燒烤 @ 新羅寶韓國餐廳

地點：利舞臺廣場17樓
時間：Dinner Time
價錢：$6XX （有$300 Coupon，所以埋單$3XX）

要吃正宗韓國燒烤，達人必定去銅鑼灣的新羅寶韓國料理，連韓國明星都去食的一定正宗啦，加上之前join左佢地個membership一年，雖然已經無續約，但都仲寄Coupon來，今次有張$300 Coupon（要食$600至可以用），梗係要去吃個飽啦。

兩個人的話，佢地會俾6碟泡菜，不喜歡邊碟是可以換的，達人最憎就係一碟好似燻魚的泡菜了。

烤牛排骨是每次一定叫的菜式，呢個係waitress煮的，好味。


豬肉都好正，又淋又有肉汁。

今次仲叫埋雞翼，waitress會起埋骨，值得推介。

帶子，一般o者，可能我地唔識點至煮到剛剛好，所以好乾呢～

最後一定要個海鮮鍋麵，一個portion兩個人食就剛剛好了，呢個都係waitress煮的，最後佢會問你要幾多辣椒胡椒之類，大辣小辣，適隨專便。


最後係免費韓式甜品，冰冰的，好清甜呢～

かに @ 新宿 かに道楽

新宿 かに道楽 - 前菜

新宿 かに道楽 - 刺身、寿司、炭火燒

新宿 かに道楽 - 蟹鍋

かに @ 新宿 かに道楽 - 前菜

地點：新宿区新宿3-14-20テアトルビル7・8F（即新宿伊勢丹附近）
網址：http://www.douraku.co.jp/kanto

達人自從在大阪食過蟹道樂就愛上食呢間店舖，每次去日本都會光顧一次，不過呢間食蟹店越來越受港人愛戴，差不多次次去都會見到有港人等位。達人當然有事先book定位，所以不用等位就可以入座。

達人一定會叫蟹鍋，因為食完D蟹，用D湯汁煮埋個雜炊，正～


呢D都係コース的頭盤，有酒、茶碗蒸し、豆腐、前菜．．．




記得要唔好食曬D蟹糕，留返少少呀，之後有好重要的用途的～

かに @ 新宿 かに道楽 - 刺身、寿司、炭火燒

呢D都係コース的蟹唐揚げ、蟹刺身、蟹寿司．．．

其中一個コース係炭火燒，炭燒比較乾，不是太好吃。

紙火鍋個湯底同用大鍋係無分別的，所以個紙火鍋無乜用到。

かに @ 新宿 かに道楽 - 蟹鍋

到戲肉喇，蟹鍋出場～～～～

呢個係湯料，服務員會煮滾蟹鍋的湯底，之後倒少少入碗內。


千祈唔好將所有蟹放入去煮到大滾至食呀，正宗的食法係野菜放入去先，之後見水滾就可以將蟹腳，放入去湯內2分鐘到，總之就要煮到外熟內半生就為之perfect喇。


最後叫服務員整埋個雜炊，好喇，個蟹糕出場喇，加少少入D飯仔一齊食亦可以加入前面個湯內，正到暈呀。

鐵板居酒屋 @ 新宿 てっぱちや

地點：東京都新宿区新宿4-1-9　新宿ユースビル6F（即新宿Times Square對面）
網址：http://www.teppachi-ya.com/

呢間居酒屋特別之處就係食鐵板的，食物品種多，每一碟份量都是好似和民居酒屋的份量，而且價錢不貴，所以可以試多幾款。可惜當日太晚去，所以帶子已經賣曬。

o黎得呢間居酒屋，就必叫的菜式 – 玉子燒，不用自己做的，有waiter幫手搞掂。




其他有燒肉；粟米和烏冬，呢兩樣已經熟了，只需整返熱佢就Okay，所以不需要倒出來燒。