達人部屋: 2003

2003年12月31日星期三

ラーメン @ 台場御めん亭

地點：Palette Town內
價錢：お台場塩ラーメン 730 Yen；煮玉子ラーメン 750 Yen；餃子 280 Yen

在台場要食平的又要有日式的真係幾難，呢間都係算貴，不過比起其他仲貴的，達人都係入左去食麵～

達人叫左個台場鹽味拉麵和煮玉子拉麵，加多個餃子，普普通通的一餐。

2003年12月30日星期二

朱古力 @ 六本木山 LE CHOCOLAT DE H

地點：東京都港区六本木6-12-4 Roppongi Hills けやき坂通り（即係LV行過少少）
網址：http://www.lcdh.jp/

去得六本木山，除左係去下LV，見下花師奶同叮噹之後，達人都去左人龍朱古力店Le Chocolat de H見識下。

朱古力店分兩邊排隊，一邊排買朱古力叫Boutique，一邊排去堂食朱古力就叫Salon，達人就梗係排Salon果邊去食佢出名的一杯熱純朱古力、一杯熱拔蘭地朱古力、蛋糕和3粒Today’s Chocolate。

睇住佢地將D朱古力煮溶來整成飲的朱古力的，杯朱古力好濃，杯拔蘭地朱古力係自己將一小杯拔蘭地倒入杯朱古力搞混飲的，所以可以自己控制酒的多少。不過D朱古力真係好甜好濃，所以不是太好朱古力的可以不試。

2003年12月28日星期日

カレーライス @ 池袋ドプカベスカ

地點：池袋 Sunshine City B1F
網址：http://www.sunshinecity.co.jp/restaurant/topca.html
價錢：ビーフカリー 880 Yen；カツカリー 980 Yen

係池袋Sunshine City內要搵好野食真係好難，如果諗住係酒店附近又差不多夜晚10點前去搵食的話，呢間都可以考慮下o既～

達人揀左歐洲風味的咖哩，有牛肉同豬扒，佢D咖哩其實同日本咖哩真係無分別！

牛肉真係得4粒咁大把，880 Yen真係有D唔值。

豬扒咖哩，太普通，No Comment。

塩ラーメン＠函館マメさん

函館マメさん - 環境
函館マメさん - 塩ラーメン

塩ラーメン＠函館マメさん - 環境

地點：函館市末広町12-3（即函館市電的十字路站落車，之後向金森倉庫方向的下一個街口）
網址：http://www.hakodate.ne.jp/okadamen

去函館除了去函館山，必食的就係函館鹽味拉麵，達人唔知邊間係函館最出名，見大街有間好大間的マメさん（日本旅遊書都有介紹的，應該都算有名氣），就入去幫襯左食碗鹽味拉麵。

呢間拉麵館有兩層，下層係食拉麵，上層係賣マメさん的Souvenir同有個古式拉麵車俾人影相。

塩ラーメン＠函館マメさん - 塩ラーメン

首先到購票機買餐券，之後就可以俾服務員煮麵了。這個麵暫時係達人在日本食過的拉麵最愛的拉麵呢，所以達人去食了兩日之餘，仲飲清個湯呢，真係非常正。

2003年12月27日星期六

燒帶子．燒海膽＠函館朝市

地點：函館朝市內最近東横Inn的一條街

在函館除左食新鮮魚生飯，天寒地凍的日子，達人就食了燒帶子同燒海膽。

入到舖子好暖因為有好多個暖爐圍住，個暖爐仲可以滾熱水呢。

燒帶子真係非常好味，有肉汁，又鮮味。

相反燒海膽就無咁好味了，加上佢地開海膽唔係開得好靚，有D刺跌左入去，所以食起上黎要吐翻D刺出來，海膽都係生食會好味好多。

2003年12月25日星期四

丼 @ 函館はこだて海鮮倶楽部

地點：北海道函館市末広町24-6 函館西波止場 2Ｆ
網址：http://www.hakodate-factory.com/club/default.htm
價錢：生うに丼 2200 Yen；はとばの海鮮丼 1800 Yen

達人在2003年聖誕節係函館睇完煙花就去左西波止場的函館海鮮俱樂部吃聖誕飯。大家最好遲一點才去食飯好D，唔係就好似達人咁，食完飯出返去時，棵聖誕樹已經熄燈，開始拆卸呀～

達人在函館海鮮俱樂部叫左海膽飯和海鮮飯，在函館最好味的東西就係海鮮飯喇。

海膽好新鮮，一點腥味都無。

海鮮飯有好多材料，三文魚、生蝦、帶子、魷魚．．．，非常鮮甜的海鮮，食過都返尋味呀～

ラーメン＠登別天鳳

地點：北海道登別市登別温泉町４４

去登別溫泉，早晚餐當然在酒店自己房食和式日本料理啦，但係午餐同下午茶呢，就要食自己喇。登別溫泉街平平地的食店比較少，達人就揀左呢間拉麵店。

One Man Band，可能係下午茶時段呱，得一個阿嬸睇曬成間舖，接Order、煮麵、洗碗、抺枱、收錢，全部都係阿嬸搞掂，勁呀～