達人部屋: 6月 2004

2004年6月30日星期三

お好み焼き @ 大阪鶴橋風月

お好み焼き @ 大阪鶴橋風月 - 環境

地點：大阪市北区大深町1番1号ヨドバシカメラ 8F（即梅田新阪急酒店對面的梅田Yodobashi的8樓）
網址：http://www.ideaosaka.co.jp

來到大阪必食的有たこ焼き和お好み焼き，達人因為住宿在新阪急酒店，好自然就去對面的Yodobashi食野，我地就揀左呢間食お好み焼き的連鎖店 - 鶴橋風月

位於梅田Yodobashi的8樓Restaurant Zone內。

お好み焼き @ 大阪鶴橋風月 - お好み焼き

達人叫左兩個お好み焼き，兩個都係Menu內的おすすめ，其中一個係風月焼き，另一個已經唔記得叫咩了，不過就有麵底的。有ｗaiter幫手燒的，不用怕自己整得唔好味。

Waiter首先搞混D材料，之後就將材料放在鐵板上煎。

整圓個燒餅，再加木魚（可以叫佢多D）。

等一陣就反轉煎第二面。

色水無問題就搽醬汁和蛋黃醬，熄火就可以食了。

抹茶．蕨餅＠京都文の助茶屋

地點：京都市東山区清水３３３－３（即在二年坂的其中一間店子）
網址：http://www.bunnosuke.jp

行完清水寺，好多人都會去街口的麥記抖下飲下汽水，其實大家可以行去二年坂的文の助茶屋抖下食下日本傳統果子仲有風味啦。

文の助茶屋最出名就是吃蕨餅（わらびもち）和飲抺茶，本店在八坂の塔隔離，不過達人睇到好似無冷氣的，所以就去左佢地的清水店。

首選梗係蕨餅和抺茶，冷熱抺茶都要一杯，抺茶好清甜，不過達人去京都的當日好熱，所以覺得凍抺茶好飲又清涼。

個蕨餅好味，無日本的和果子咁甜，入口冰冰涼涼，加上灑了好香的黃豆粉。如果大家無時間，可以買一盒沿途食，正～

豆腐料理＠京都清水順正

京都清水順正 - 環境 + Menu
京都清水順正 - 湯葉料理 + 冷豆腐

豆腐料理＠京都清水順正 - 環境 + Menu

地點：京都市東山区清水寺門前町（即位於往清水寺的清水坂）
網址：http://www.to-fu.co.jp

位於往京都清水寺的途中的清水坂，自己獨立一座明治・大正時代洋風建築物，達人入去前先確認有沒有湯葉料理先（因為據網址的Menu，清水寺呢間係冇湯葉料理的），因為今次來除了行下清水寺外，就係想食湯葉料理。好彩係有的，好入去～

達人叫左凍豆腐Set（2100 Yen）同湯葉會席（2900 Yen）～

豆腐料理＠京都清水順正 - 湯葉料理 + 冷豆腐

湯葉料理係俾煲豆漿你，慢火每6分鐘煲到漿面有層皮，就用枝竹籤挑上來食，加少少豉油好味D。基本上係好玩多過好食，但係豆漿份量太少，只係食到7-8片湯葉已經玩完。

凍豆腐放在冰水內，豆腐好清淡，不是太有豆香，而且個人覺得人和豆腐香滑好多。

其餘的懐石料理小點都係好一般～

最後呢個甜品香の物好甜，好似我地新年的年糕咁～

2004年6月29日星期二

ラーメン @ 大阪金龍ラーメン

地點：大阪府大阪市中央区道頓堀1-7-26（道頓堀中間，見到條青龍就係喇）
網址介紹：http://ramen.gnavi.co.jp/shop/jp/k236500n.htm

去到大阪心齋橋，道頓堀一帶，吃拉麵通常會揀金龍ラーメン或四天王，如果天氣唔熱，達人就會揀坐有露天榻榻米座的金龍ラーメン，因為感覺有風味特色D，而且佢係24小時，可以當早餐或宵夜都得。