鐵板燒 @ 和三昧

和三昧 - 海鮮 + 鵝肝
和三昧 - 澳洲神戶牛
和三昧 - 炒飯 + 餐飲

鐵板燒 @ 和三昧 - 海鮮 + 鵝肝

地點：東角大廈（即Sogo樓上）
時間：Lunch Time
價錢：鵝肝牛扒鐵板燒 $180；鮑魚澳洲神戶牛鐵板燒 $380

呢間餐廳前身係千世登鐵板燒，千世登執左開了依家呢間和三昧，不過據聞D廚師都係千世登的。和三昧的地方好大，佔了全個22樓，有Shabu Shabu，刺身同鐵板燒的枱。最好係Lunch時間去，因為有lunch set會平D。達人一家就叫左鵝肝牛扒鐵板燒同鮑魚澳洲神戶牛鐵板燒，兩個都係一人前，諗住試多幾味o麻。


首先佢地會幫我地圍了一件類似小肚兜的圍巾以防油煙彈到，之後就來個前菜沙律。

主菜o黎喇，有一隻仲郁的鮮鮑魚，都有一隻手板大嫁，好鮮味又夠爽。


鵝肝，放在個小多士上（只有一個方包的四份一），入口即溶，很美味，可惜份量很少，所以決定要去Marriott食過夠。


銀鱈魚，味道一般，加上近期油魚事件，我相信唔係油魚來的，因為我返到屋企都無事......

鐵板燒 @ 和三昧 - 澳洲神戶牛

到入肉喇，澳洲神戶牛，一看已知同正宗神戶牛有好大分別，雪花分佈不靚，食落果然同年前係神戶食的神戶牛有好大好大的距離，不能有入口即溶的口感。



呢塊只係普通牛扒，但同之前食的澳洲神戶牛好似無乜分別咁，廚師會切剩D根呀，肥膏一陣來炒什菜。

鐵板燒 @ 和三昧 - 炒飯 + 餐飲

炒飯好味，比銀座鐵板燒炒得好，個飯會跟埋D麵豉湯。




炒什菜，No Comment


餐後waiter會帶去Sofa區飲餐茶，不過睇返其他網友話可以揀食雪糕的，佢地無問我地喎，呢度要扣分喇。

片皮鴨餐 @ 北京樓

地點：荃灣綠楊新村

達人好鍾意食北京填鴨的，不過去北京樓，達人就覺得以前興利中心和星光行果兩間至有D水準。不過相對地荃灣呢間的餐就平少少～

前菜有醉雞和海蜇


翅少左D



達人鍾意皮肉一齊片的，可以飽肚D呀～

素餃

鐵板燒 @ 銀座日本料理鐵板燒

地點：新世界中心地下L057號舖
時間：Lunch Tim
價錢：約＄290

去開尖沙咀新世界果頭，UCC已經食過兩次，最後決定去銀座日本料理鐵板燒，呢間係達人第一次在香港食的日本鐵板燒。

我地揀選食鐵板燒，所以無得坐壽司bar的窗口位，雖然我地坐的唔係對住維港靚view，但都相信如果對住窗坐，一定好正呢～

星期六下午有D鐵板午餐只係大約$130到，達人叫左一個牛肉鐵板燒，一個海鮮鐵板燒。

套餐例牌的蔬菜沙律

Wow，有麵包索油呀，不過如果係多士索油，達人會更加喜愛。

海鮮一般，個蝦幾好味，不過細隻左D啦～

牛肉我地好似係叫厚燒的，點知佢整左薄燒，無所謂啦，橫豎又未食過薄燒。薄燒係薄牛肉包住D蔥同蒜粒的，幾好味，不過厚燒會更有牛肉味啦～

炒飯同炒什菜都是普普通通，個飯無乜味呢。


最後是紅豆雪糕，味道幾清，不是太甜，正～

韓國燒烤 @ 新羅寶韓國餐廳

地點：利舞臺廣場17樓
時間：Dinner Time
價錢：$6XX （有$300 Coupon，所以埋單$3XX）

要吃正宗韓國燒烤，達人必定去銅鑼灣的新羅寶韓國料理，連韓國明星都去食的一定正宗啦，加上之前join左佢地個membership一年，雖然已經無續約，但都仲寄Coupon來，今次有張$300 Coupon（要食$600至可以用），梗係要去吃個飽啦。

兩個人的話，佢地會俾6碟泡菜，不喜歡邊碟是可以換的，達人最憎就係一碟好似燻魚的泡菜了。

烤牛排骨是每次一定叫的菜式，呢個係waitress煮的，好味。


豬肉都好正，又淋又有肉汁。

今次仲叫埋雞翼，waitress會起埋骨，值得推介。

帶子，一般o者，可能我地唔識點至煮到剛剛好，所以好乾呢～

最後一定要個海鮮鍋麵，一個portion兩個人食就剛剛好了，呢個都係waitress煮的，最後佢會問你要幾多辣椒胡椒之類，大辣小辣，適隨專便。


最後係免費韓式甜品，冰冰的，好清甜呢～