時間：Lunch Time
價錢：鵝肝牛扒鐵板燒 $180；鮑魚澳洲神戶牛鐵板燒 $380
呢間餐廳前身係千世登鐵板燒，千世登執左開了依家呢間和三昧，不過據聞D廚師都係千世登的。和三昧的地方好大，佔了全個22樓，有Shabu Shabu，刺身同鐵板燒的枱。最好係Lunch時間去，因為有lunch set會平D。達人一家就叫左鵝肝牛扒鐵板燒同鮑魚澳洲神戶牛鐵板燒，兩個都係一人前，諗住試多幾味o麻。
首先佢地會幫我地圍了一件類似小肚兜的圍巾以防油煙彈到，之後就來個前菜沙律。
主菜o黎喇，有一隻仲郁的鮮鮑魚，都有一隻手板大嫁，好鮮味又夠爽。
鵝肝，放在個小多士上（只有一個方包的四份一），入口即溶，很美味，可惜份量很少，所以決定要去Marriott食過夠。
銀鱈魚，味道一般，加上近期油魚事件，我相信唔係油魚來的，因為我返到屋企都無事......
