かに @ 新宿 かに道楽

新宿 かに道楽 - 前菜

新宿 かに道楽 - 刺身、寿司、炭火燒

新宿 かに道楽 - 蟹鍋

かに @ 新宿 かに道楽 - 前菜

地點：新宿区新宿3-14-20テアトルビル7・8F（即新宿伊勢丹附近）
網址：http://www.douraku.co.jp/kanto

達人自從在大阪食過蟹道樂就愛上食呢間店舖，每次去日本都會光顧一次，不過呢間食蟹店越來越受港人愛戴，差不多次次去都會見到有港人等位。達人當然有事先book定位，所以不用等位就可以入座。

達人一定會叫蟹鍋，因為食完D蟹，用D湯汁煮埋個雜炊，正～


呢D都係コース的頭盤，有酒、茶碗蒸し、豆腐、前菜．．．




記得要唔好食曬D蟹糕，留返少少呀，之後有好重要的用途的～

かに @ 新宿 かに道楽 - 刺身、寿司、炭火燒

呢D都係コース的蟹唐揚げ、蟹刺身、蟹寿司．．．

其中一個コース係炭火燒，炭燒比較乾，不是太好吃。

紙火鍋個湯底同用大鍋係無分別的，所以個紙火鍋無乜用到。

かに @ 新宿 かに道楽 - 蟹鍋

到戲肉喇，蟹鍋出場～～～～

呢個係湯料，服務員會煮滾蟹鍋的湯底，之後倒少少入碗內。


千祈唔好將所有蟹放入去煮到大滾至食呀，正宗的食法係野菜放入去先，之後見水滾就可以將蟹腳，放入去湯內2分鐘到，總之就要煮到外熟內半生就為之perfect喇。


最後叫服務員整埋個雜炊，好喇，個蟹糕出場喇，加少少入D飯仔一齊食亦可以加入前面個湯內，正到暈呀。

鐵板居酒屋 @ 新宿 てっぱちや

地點：東京都新宿区新宿4-1-9　新宿ユースビル6F（即新宿Times Square對面）
網址：http://www.teppachi-ya.com/

呢間居酒屋特別之處就係食鐵板的，食物品種多，每一碟份量都是好似和民居酒屋的份量，而且價錢不貴，所以可以試多幾款。可惜當日太晚去，所以帶子已經賣曬。

o黎得呢間居酒屋，就必叫的菜式 – 玉子燒，不用自己做的，有waiter幫手搞掂。




其他有燒肉；粟米和烏冬，呢兩樣已經熟了，只需整返熱佢就Okay，所以不需要倒出來燒。

メンチカツ @ 吉祥寺 ステーキハウス サトウ

地點：東京都武蔵野市吉祥寺本町1－1－8
網址介紹：http://gourmet.yahoo.co.jp/0006713464/P001410/

達人去吉祥寺是因為睇了電車男向Keroro大海報敬禮的一幕而去的，去得吉祥寺當然要去食Steak House Satou的松阪免治牛肉球啦．．．

好好味，雖然要由街尾排到去街頭，不過食過真係好好味，熱辣辣。個牛肉球雖然係炸的，但係一D都唔乾，仲好有肉汁，去吉祥寺必食～

Pasta @ Orlando Rainforest Cafe

地點：Orlando Walt Disney World - Animal Kingdom Main Entrance
網址：http://www.rainforestcafe.com/

達人玩完Animal Kingdom好攰，於是就去位於Animal Kingdom門口的Rainforest Cafe食Dinner。

環境同以前在又一城果間Rainforest Cafe好似，門口有紀念品賣，又係有個大魚缸，又係周圍都係森林feel，加上佢地整埋D雷聲，猩猩叫聲，真係好懷念以前間Rainforest Cafe唷～


達人叫左Cheese Sticks（芝士條），美國餐的份量好大，食完已經好濟。

仲有The Little Islander Caesar Salad（前 – 凱撒沙律）和Rasta Pasta（後 – 即係白汁長通粉），真係食到達人捧住個肚走呀～