しゃぶしゃぶ．すき焼き @ 札幌 はな牛

地點：札幌市中央区南４条西２丁目（位於札幌薄野，即蟹家對面）
價錢：每人6000 Yen + 300 Yen (Sukiyaki鍋)

達人食過Mo Mo Paradise的cheap牛，去北海道時唔食cheap牛，食呀蔡生都介紹過的はな牛。

去到果度，達人發現一間叫はな牛，一間叫はな牛亭。達人依家都唔記得去左邊間喇，總之貴D同埋坐和式有獨立房的一間啦。

達人又想食Shabu Shabu又想食Sukiyaki，於是就加300Yen兩個鍋一齊上，我地仲叫左6000 Yen的道產牛，果個萬二Yen的近江牛太太太貴喇～

貴D的牛果然好食同肉質滑好多～

小樽朝里川温泉 宏楽園

小樽朝里川温泉 宏楽園 - 露天風呂付き客室「ふじ」
小樽朝里川温泉 宏楽園 - 夕食
小樽朝里川温泉 宏楽園 - 朝食+環境

小樽朝里川温泉 宏楽園 - 露天風呂付き客室「ふじ」

地點：小樽市新光5丁目23番地1号
網址：http://www.otaru-kourakuen.com/

達人第一次在日本的浸溫泉的經驗就是在宏樂園開始的，亦因此令達人愛上在日本浸溫泉，尤其係有私人風呂房間的酒店呢～

在網上訂房是不可指定要邊間房的，達人就後補E-mail要求要有石頭的露天風呂，於是酒店回覆話盡力安排但就唔保証，雖然當日達人好遲去到check-in，但都有留定間石頭的露天風呂俾我，而且每間房都自己名稱，好特別呢～

達人入住的是名叫「ふじ」的露天風呂付き客室。


一入房就立即見到露天風呂。



房間是沒有浴室的，只有廁所，沖涼就要去露天風呂外的沖洗區，不過冬天因為水管變凍，所以冬天就要去大浴場沖涼了。


出去就是房內的露天風呂。

沖洗區，不過冬天關閉。

露天風呂好寬闊，溫泉水由石堆中流出。


冬天時份的雪景加上落雪，上凍下熱，好舒服～

小樽朝里川温泉 宏楽園 - 夕食

晚餐要事前同入房的嬸嬸講好幾點食，到時到候，嬸嬸就會好快幫你上菜，所以達人出左去大浴場返來就成房都係野食了～

晚餐真係好普通，除了鮑魚比較好味，其他真係一般啦～


未出發前，酒店E-mail給達人的菜單～

前付：清湯

食前酒及前菜


刺身

燒物

蓋物

一品：毛蟹

陶板燒：自己燒，熱辣辣，所以覺得呢碟幾得～

仲有鮑魚，加上又係熱辣辣，全個Dinner最好的菜～

白飯及甜品

小樽朝里川温泉 宏楽園 - 朝食+環境

朝食要出去大廳的餐廳食，除左飲品係任飲，其他都係有嬸嬸幫手上菜的，每間房間會因應有多人而安排有幾多份早餐，仲有大大個牌寫住房名，不用怕去到無位或要霸位。

早餐有湯有飯有生果，食完可以唔洗食午餐了～

一面食早餐，一面望出去窗外的優雅庭園，好寫意呢～

除左房間有露天風呂，仲有露天的大浴場，不過俾咁多錢住有露天風呂的房間，當然要在房浸過夠啦～

旬のおまかせ握り @ 小樽 政寿司

地點：小樽市花園1丁目1番1号（寿司屋通り）
網址：http://www.masazushi.co.jp/
價錢：4800 Yen

小樽政壽司有兩間店舖，達人去的係本店，位於壽司屋通內，有兩層樓高，達人坐地下果層的壽司枱。

達人叫左個季節手握壽司，師傅係壽司枱內整壽司，睇見都好味～

呢個Set的壽司係每樣一件，所以同人Share就要諗諗點分邊個食邊舊喇～


係日本食魚子的好處就係唔腥的，仲有少少咸咸地，Yummy～

炭燒 @ 札幌 七福神商店

地點：北海道札幌市北区北6条西7 札幌駅西口JR高架下（即京王酒店隔離）
網址：http://www.tqs-takada.jp/

達人去札幌時，正正住宿在京王酒店，所以有一晚就去左隔離的七福神商店食炭燒喇。門口有個月光朦面俠，好易認。

達人叫左巨峰提子酒，好飲過和民果D呢。

海產刺身，咁至食到燒定生的分別呀～

達人一行四人叫左兩個呢個Set，再加魚生飯，好飽呢～


宴會Set包括帶子、海螺、粟米、魷魚、薯仔等等。自己放在備長炭爐上慢慢燒，好熱氣呢。


咁樣燒帶子會燒到乾曬嫁，正確應該係剪開D帶子成一粒粒大方塊至燒就最正喇。