喜慶滿月壽筵晚飯 @ 東海海鮮酒家(宴會廳)

東海海鮮酒家(宴會廳) - 環境 + Menu
東海海鮮酒家(宴會廳) - 主菜
東海海鮮酒家(宴會廳) - 美點雙輝

喜慶滿月壽筵晚飯 @ 東海海鮮酒家(宴會廳) - 環境 + Menu

地點：尖沙咀美麗華商場
價錢：$2680

年年母親節，D酒樓多數都係ABCD餐，好少有得散叫。既然係咁，達人就去成日係電視賣ABCD餐的東海海鮮酒家吃晚飯喇～

呢D節日，要分時段去，達人揀左早段，即係6:00pm – 8:30pm，早段有個唔好處就係佢地想快D翻枱，所以上菜上得好快，一碟未食完就上埋其他兩三碟菜，達人食到好似倒垃圾叫～

首先講講環境，面對九龍公園泳池，好開揚，室內樓底好高，又有水晶燈，擺酒就好～


達人揀左個平平地的喜慶滿月壽筵晚飯。

喜慶滿月壽筵晚飯 @ 東海海鮮酒家(宴會廳) - 主菜

講返個餐，乳豬係無分皮肉切，達人仲以為自己食緊燒肉呀～


翡翠蝦仁

金網芝士卷：入面係白汁，好似飲忌廉湯咁，又熱辣辣，好味道～

紅燒雞絲生翅：個翅都唔熱的，達人要叫左經理整返熱佢，差！！！

發財蒜子柱甫

原隻鮑魚扣花菇：雖然唔係溏心鮑魚同埋隻鮑魚都幾細隻下，不過原來鮑魚點芥醬又幾好味喎～


清蒸游水老虎班

脆皮炸子雞

喜慶滿月壽筵晚飯 @ 東海海鮮酒家(宴會廳) - 美點雙輝

長壽伊麵

合桃叉燒酥

東海壽桃包：好大個包，有原隻蛋黃，必食～

火艷法式燉蛋：凍食，又不太甜，o岩曬達人口味～

同場加影：達人之前係東海已經食過幾次呢個餐了，貪佢平，不過好似好少變化喎～

Set Lunch @ A-1 Restaurant

A-1 Restaurant - 環境 + 頭盤
A-1 Restaurant - 意粉 + 奄列飯

Set Lunch @ A-1 Restaurant - 環境 + 頭盤

地點：沙田沙田新城市廣場
價錢：兩個餐加埋一$128

勞動節出街真係周圍都係人，九廣鐵路必經之地 -沙田- 就更加多人，加上City Super下面D食肆又裝俢，達人好不容易至找到一間唔洗乜點等好耐的餐廳「A-1 Restaurant」。



頭盤有蔬菜沙律，麵包，西湯。麵包仲有4個咁多，達人食左2個都已經飽飽地喇，不過D麵包真係好軟熟，果然A-1的麵包係出色D。

Set Lunch @ A-1 Restaurant - 意粉 + 奄列飯

達人叫左兩人個Set Lunch：豬扒蛋奄列飯，蕃茄蘑菇意粉。

蕃茄蘑菇意粉只係一般。

達人本來諗住個豬扒一定好韌，點知比想像中淋，個蛋奄列飯真係幾得嫁～


甜品係芒果布甸，仲有餐飲。


服務就真係麻麻，甜品要儲埋一堆至送來，所以食完主菜係要等埋其他枱食完至有甜品送到，不過就真係食個飽，好滿足。