Baby Ribs @ Orlando NBA City Restaurant

地點：Orlando Universal Studios Resort的City Walk（即Hard Rock Cafe隔離）
網址：http://www.nba.com/nbacity/

達人係銅鑼灣Tony Romas食過Baby Ribs之後就愛上此美國食物，所以來到美國當然要找一間餐廳吃Baby Ribs啦，係Hard Rock Cafe又無，今次黎到隔離的NBA City Restaurant，有呀，有Baby Ribs呀～

係呢區的餐廳基本上係間間都要排隊的，不過呢間就高科技D，有個小pager俾左我地，有位就會響又會震，好有趣呀。門口有個好大好大有33呎高的銅像，係NBA的Logoman喎。門口仲有好多NBA Star的手印，原來佢地的手真係好大的～


室內環境好有籃球場feel，有籃球板裝潢，大銀幕會又不斷播NBA賽事，NBA迷一定喜歡。


達人只係叫左一個Baby Ribs和可樂咋，不過好大份，兩個人食剛剛好，不會太飽，D肉真係好淋好軟呀。

Steak @ Orlando Hard Rock Cafe

地點：Orlando Universal Studios Resort的City Walk
網址：http://www.hardrock.com/

達人第一次去美國就係去東岸的主題樂園Universal Studios加Walt Disney World，因為無租車，所以就只有去主題樂園周邊的餐廳吃。

香港的Hard Rock Cafe達人就未試過喇，所以無得比較，所知的就係好細間的一間餐廳，反而美國呢間就好有規模，隔離仲有Hard Rock Live，有真人表演唱歌，裝潢仲有架車轆出黎咁嫁。


室內有兩層，達人被安排坐樓上，環境好靚，有架車轉轉轉，個天花板又夠Grand，其間有人扮Jim Carrey 的飛機頭周圍撩人玩。



達人叫左個 The Jumbo Combo，有薯皮，炸洋蔥，雞翼...，好大份，達人最後係食唔曬。

另一個就係Grilled Sirloin Steak，諗住Sirloin就一定淋啦，點知都唔軟熟的，反而個通粉伴菜就幾好味。

係美國餐廳食野，Serve我地張枱的waiter會不斷走來問Are You Okay，會問客D菜O唔OK，不過達人就覺得煩左少少。埋單係沒有加一的，貼士都係自己個心想俾幾多都得，不過不成文規矩係大約15-20%，所以佢地咁落力係有原因的。

下次叫係美國叫野食真係要叫少D，美國人的胃口真係大喇～

にぎり寿司 @ 大阪 魚心

地點：大阪府大阪市北区堂山町5-4
網址：http://www.ajibil.com/uoshin/index.shtm

達人未去大阪前刨定D書仔介紹話呢間壽司店的魚生大大件，好好味咁喎，於是達人就去試下啦，仲去本店試添，入到去唔係好多人。

達人叫左にぎり定食加散叫海膽、帶子、魷魚壽司，真係好好好好難食呀，D魚生好似唔新鮮咁，除左個蜆肉湯係好味之外，其他都非常普通，達人覺得元氣仲好味過佢呀，真係唔明除左魚生大過飯之外，有咩咁出色呢？！

串揚げ @ 大阪 神楽食堂 串家物語

地點：大阪府大阪市中央区難波3-4-16　日本土地難波ﾋﾞﾙ4F（即Bic Camera隔離）
網址：http://www.kushi-ya.com
價錢：90分鐘2625Yen；想玩耐D就要每30分鐘追加￥500

「神樂食堂 串家物語」開始興起時，達人和友人就去了食過一次了。呢間餐廳在日本有好多分店，90分鐘的自助方式，客人可以自己去buffet枱選取食材，和自己動手烹炸食物。

將一串一串的食材沾上麵糊，再沾好麵包粉，再放入鍋中油炸，過程都親自整的，好玩多於好吃。開始時達人都有跟足沾好麵糊同麵包粉才炸的，不過食得數十串就好膩，最後齋炸至無叫膩




炸鍋鑲嵌在每張桌子的中央，炸完放在鍋邊的瀘網上隔油。

90分鐘一到，服務員就會關爐，好準時的，看看達人的戰績～

來串家物語吃一定要加埋飲之放題，因為炸野真係好油膩之餘，仲好口乾的。不過仲可以留意街邊有無人派500 Yen coupon，唔係就上去佢地個website print定張coupon，咁咪當免費加埋個汽水飲之放題呀～

烏冬 @ 大阪名物くいだおれ

地點：大阪市中央区道頓堀1-8-25
網址：http://www.cui-daore.co.jp

道頓堀的標記之一「大阪名物Cui-daore」，相信大家去得大阪的一定同佢影過相，但就好少入去食野。


達人次次都有影相，睇睇下出面D假食物display就走左入去試下了。呢間食店有幾層，樓上有和食，居酒屋同Shabu Shabu食呢。～


達人就去左地下的餐廳叫左一個蟹肉烏冬雜炊和一個冷烏冬，D烏冬真係好滑好好味。

ラーメン ＠ 大阪 四天王

地點：大阪市中央区道頓堀1-7-25 タカコ第五ビル（即金龍拉麵隔離）
網址：http://www.shitennou.jp

達人在大阪除左食過金龍拉麵，都試過隔離的四天王拉麵。每次達人行過道頓堀都見四天王要排隊，咁o岩有朝早見唔洗排隊就入去試下係咪真係咁好味先．．．

達人叫左個豚骨湯底玉子拉麵，覺得好味過金龍拉麵啦，尤其是個玉子，出曬金油，正～

お好み焼き @ 大阪 鶴橋風月

大阪鶴橋風月 - 環境
大阪鶴橋風月 - お好み焼き