達人部屋

立山黒部ホテル立山

2009-05-19T23:00:00.002+08:00

立山黒部ホテル立山 - 環境
立山黒部ホテル立山 - 房間
立山黒部ホテル立山 - 浴場+家族風呂
立山黒部ホテル立山 - 夕食 - 環境+前菜
立山黒部ホテル立山 - 夕食 - 主菜+甜品
立山黒部ホテル立山 - 朝食
立山黒部ホテル立山 - 雪の大谷

立山黒部ホテル立山 - 環境

2009-05-19T22:55:00.014+08:00

地點：富山県中新川郡立山町芦峅寺室堂
網址：http://www.alpen-route.co.jp/h-tateyama/

立山黑部是位於富山縣以西的北阿爾卑斯山山脈（立山黒部アルペンルート），在本州長野及富山兩縣交匯處，擁有四時不同的自然景觀，一般的旅行團只會用半日時間，走馬看花地上山落山，但如果是自由行，大家不妨逗留一晚感受在雪山上的震撼吧！

要留宿一晚，尤其是還未溶雪之時，最方便的住宿就是位於室堂站的立山酒店，一泊兩食每位大約二萬円，雖然價錢頗貴，但能在雪山上度宿的經驗就值回票價啦！

到達室堂站，有充足的指示牌引導去立山酒店。

從外看，酒店就是被雪山包圍著的地方

Front Desk位於酒店3樓。酒店外都有賣手信的店舖，酒店房會有Coupon送，買野有折，不要在車站買唷～

酒店的介紹，氣壓只有760mbar，大約地面的4份3。

立山黒部ホテル立山 - 房間

2009-05-19T22:50:00.009+08:00

酒店有六層，二三四五樓都有客房，達人入住的呢間房是位於四樓，，所以窗外可以看到雪山的景觀。

客房內有3張單人床及梳化。

不是每間房都有浴室的，如果房間沒有浴室就要去大浴場洗澡了。

有茶包及割引卷（就係呢張去買手信有折喇！）

梳洗用具都有的唷～

窗外就是看著這雪景了，震撼嗎？！

日落後的雪山景～

入夜後可上車站頂遙望富山縣，好美！

立山黒部ホテル立山 - 浴場+家族風呂

2009-05-19T22:45:00.005+08:00

酒店內有大浴場（3樓），水都是來自「立山玉殿の湧水」，開放時間是下午3點至晚上11點，及早上6點至9點，因為個別客房是沒有浴室，所以沖涼就要去大浴場喇～

唔想去大浴場，可以去Front Desk預約家族風呂（4樓），每間房只可book一個鐘，所以建議一check-in就book定就一定有位喇！

首先去Front Desk取key開門。

自己開冷熱水。用完要放走D水及將鎖匙還回Front Desk。

沐浴及享受風呂都在同一間房搞掂，比大浴場更有自隱。

立山黒部ホテル立山 - 夕食 - 環境+前菜

2009-05-19T22:40:00.006+08:00

和食在3樓的和食堂「たてやま」進餐，每位選擇和食的客人都是同一個Set Dinner。

餐前酒。

先付　蟹籽豆腐

前菜　燒三文魚、燻蝦、蠶豆、味噌合鴨肉

酢物　魷魚沙律

造り　3種刺身

立山黒部ホテル立山 - 夕食 - 主菜+甜品

2009-05-19T22:35:00.004+08:00

溫物　桜道明寺蒸し

中皿　朴葉味噌燒豬肉

揚物　天婦羅炸白蝦

鍋物　海鮮鍋

富山米

送飯香物

鯛魚子湯

甜品　Apple Compote和巨蜂提子

立山黒部ホテル立山 - 朝食

2009-05-19T22:30:00.007+08:00

朝食亦在晚餐的地方，即3樓的和食堂「たてやま」，早上7點開始，食到8點半就收檔，所以要早起唷～

早餐是自助形式，一般西式的麵包，粟米片，沙律一定會有。

熱食的及日式的早餐亦有。

當然少不了餐茶、咖啡、牛奶、果汁啦～

立山黒部ホテル立山 - 雪の大谷

2009-05-19T22:25:00.006+08:00

入住這間酒店除了可近距離接觸雪山的日夜，亦有另一好處的～～～

酒店每日都有活動給住客參加，達人入住時正值雪之大谷的參觀日子，所以酒店有散策團帶看雪之大谷。
酒店活動詳情：http://www.alpen-route.co.jp/h-tateyama/event/index.html

酒店安排的散策時間是下午5點（一般比公眾參觀時間只去到3點左右），而且呢段時間已經沒有車的往來，所以整段雪之大谷都可自由自在任影狂影，都不用怕人影人或人影車啦。

酒店經理仲會沿途介紹雪之大谷的形成及附近的山峰名稱。

沒有封路及沒有人的雪之大谷。

參觀的只有酒店的住客。

仲可以影到晚霞的雪地～

富山東横インJr.富山駅前

2009-05-18T23:00:00.000+08:00

富山東横インJr.富山駅前 - 環境+房間
富山東横インJr.富山駅前 - 朝食

富山東横インJr.富山駅前 - 環境+房間

2009-05-18T22:55:00.003+08:00

地點：富山県富山市桜町1-4-5

網址：http://www.toyoko-inn.com/hotel/00031/

要遊覽立山及黑部峽谷兩個景點，一日當然不可能啦，分兩日遊覽的話，住宿首選是位於JR富山站前的東橫Inn。

一出JR車站就馬上找到這間東橫Inn，位置非常方便。Front Desk在四樓。

東橫Inn當然有的電腦及printer。

房間雖小，但設備齊全，而且房租便宜（雙人房6800円）。

窗外就是JR富山車站。

富山東横インJr.富山駅前 - 朝食

2009-05-18T22:50:00.001+08:00

入住東橫Inn，早餐是無料的。免費的早餐當然味道就一般啦，但不用錢就有飯團有湯有茶的早餐，加上房租又便宜，所以都好多住客來吃早餐的～

飛騨高山 Spa Hotel Alpina

2009-05-17T23:00:00.003+08:00

飛騨高山 Spa Hotel Alpina - 環境
飛騨高山 Spa Hotel Alpina - 大堂
飛騨高山 Spa Hotel Alpina - 樓層
飛騨高山 Spa Hotel Alpina - 房間

飛騨高山 Spa Hotel Alpina - 環境

2009-05-17T22:55:00.005+08:00

地點：岐阜県高山市名田町5丁目41番地
網址：http://www.spa-hotel-alpina.com/

飛騨高山是一個充滿古代風味的城鎮，除了出名的高山祭，還有美食如飛騨牛及朴葉料理。

住宿方面，2009年3月就有一所新的酒店開張了，兩個人入住都只是一萬円，他們的Single Room是可以兩個人入住的（不是屈蛇唷，是Official可以兩人入住Single Room的），仲非常闊落～

出了JR高山駅後，找到Daily Yamazaki便利店，向前行大約兩個街口就到。

有停車場，方便駕車的住客。

大門入口。

飛騨高山 Spa Hotel Alpina - 大堂

2009-05-17T22:50:00.001+08:00

大堂環境氣氛非常令人舒服～

有很多旅遊資訊及地圖索取。

Check-In 及 Check-Out都電子化，入住當日就要俾錢（不是在Check-Out日才俾錢），俾錢都係用呢部機的～

大堂還有自動販賣機及公眾電話。

大堂的武士擺設。

建築酒店時，用來開發地底溫泉水的鑽頭～

飛騨高山 Spa Hotel Alpina - 樓層

2009-05-17T22:45:00.002+08:00

酒店共有9層，一樓是Front Desk及朝食會場「アルテラス」。九樓是展望浴場，男湯女湯內，空內的有展望風呂及寢湯，室外的有展望露天風呂及壺湯。女湯的門口要入密碼才可進入，密碼要問Front Desk的人。

早上有朝食，可惜達人當日要趕早車，因此未能嘗試。

客室外的走廊非常潔淨。

在1．3．7樓都有Trouser Presser，製冰機及微波爐，比一些東京都的酒店設備更齊全。

飛騨高山 Spa Hotel Alpina - 房間

2009-05-17T22:40:00.007+08:00

雖然是Single Room，但房間比東京的Semi-Double Room大～
有LCD電視，亦有免費上網，只要有Notebook就可以connect上網了，即使沒有Notebook，亦可向Front Desk租借電腦。

床舖亦有140cm（約57吋），兩個人睡是非常闊落的～

床頭櫃側有充足的空位放行李，房內的電話只可打內線，打出街線就要去1樓的公眾電話了～

衣櫃空間充足，仲有除臭劑噴下D衫褲鞋襪～

有小型水煲連放濕機，亦有風筒～

小型雪櫃，去便利店入完貨就可以用了！

日本典型酒店廁所連浴室～

飛騨牛 @ 飛騨高山丸明

2009-05-17T21:00:00.002+08:00

飛騨牛 @ 飛騨高山丸明 - 環境
飛騨牛 @ 飛騨高山丸明 - Menu
飛騨牛 @ 飛騨高山丸明 - 特選飛騨牛焼肉大皿
飛騨牛 @ 飛騨高山丸明 - サーロインステーキ + 飛騨牛釜飯

飛騨牛 @ 飛騨高山丸明 - 環境

2009-05-17T20:55:00.007+08:00

地點：岐阜県高山市天満町6-8
網址：http://www.hidagyu-maruaki.co.jp/

飛驒牛屬於日本岐阜縣的黑毛和牛種，霜降多，呈淡粉紅色及肉質細嫩柔軟。

在高山市，可以吃到飛驒牛的餐廳多不聲數，但要用比較合理的價格吃到品質有保證的飛驒牛，就去好多人推介的「丸明」。餐廳自家獨立一間建築，非常有氣派～
開口有隻飛驒牛銅像。

首先參觀精肉部，普通的飛驒牛1580円就有200g，特選飛驒牛就要1000円以上100g。

得獎無數的飛驒牛～～

在每五年一次的全國和牛能力共進會，飛驒牛在第8回（2002年）仲贏埋日本一的名譽賞。

飛騨牛 @ 飛騨高山丸明 - Menu

2009-05-17T20:50:00.006+08:00

餐廳門口擺了一張Menu，睇o岩價錢至入場～

燒肉

Sukiyaki和Shabu Shabu

其他單品

飲品

本日提供的飛驒牛，隻隻都有編號的～

檯面有點牛肉的醬汁！仲有叫侍應們可以按鐘，不用四圍舉手～

達人Order了全牛宴，有特選飛騨牛焼肉大皿（5480円）、サーロインステーキ（4580円）、飛騨牛釜飯（120円）。

飛騨牛 @ 飛騨高山丸明 - 特選飛騨牛焼肉大皿

2009-05-17T20:45:00.007+08:00

首先來兩杯達人在日本常飲的ジンジャーエール（Ginger Ale），唔知點解香港的Ginger Ale特別淡口過人的。

特選飛騨牛焼肉大皿，配一小碟海鹽。牛有三種：サーロイン（sirloin）、ヒレ（filet）、サイコロステーキ。

開始了，首先燒サイコロステーキ和サーロイン。

之後係ヒレ。

燒熟左都好好肉汁～

真係好嫩滑，只需細細咀嚼便融化在嘴裡，不過相比神戶牛的入口即溶，達人都係認為神戶牛稍勝一籌。

飛騨牛 @ 飛騨高山丸明 - サーロインステーキ + 飛騨牛釜飯

2009-05-17T20:40:00.002+08:00

特選飛騨牛焼肉大皿的サーロイン實在唔夠喉，所以達人encore多一個名産飛騨牛サーロインステーキ一客，都是鹽燒。

放上火爐，加少少鹽，一面燒熟才反另一面，千萬不要反來覆去，否則變成飛驒牛肉乾喇～

最後，加多個飽肚的飛驒牛釜飯，除了為僥肚外，味道真真一般。

朴葉味噌 @ 飛騨古川味処古川

2009-05-17T13:00:00.002+08:00

朴葉味噌 @ 飛騨古川味処古川 - 主菜
朴葉味噌 @ 飛騨古川味処古川 - 配菜

朴葉味噌 @ 飛騨古川味処古川 - 主菜

2009-05-17T12:55:00.004+08:00

地點：岐阜県飛騨市古川町壱之町11-3
網址：http://www.city.hida.gifu.jp/kanko/aji/insyoku_mise/furukawa/ajidokoro_hurukawa/index.html

去到飛驒高山，除了要品嚐飛驒牛外，另一樣必須要品嚐的就是「朴葉味噌」，因此達人lunch時間都要找間餐廳吃吃，記住．．．夜晚果餐要去食飛驒牛唷！

朴葉味噌是飛驒高山地方的鄉土料理，在一片朴葉上放上味噌，再用小炭爐燒烤著，伴著白飯一起進食。

達人幫襯的這間餐廳是在飛驊古川的，當大家行完瀬戸川和白壁土蔵街後，可以找找這間餐廳食在lunch休息下！

達人就係叫左呢兩個定食喇～
飛騨牛朴葉味噌ステーキ定食（2100円）和朴葉味噌定食（1260円）

飛騨牛朴葉味噌ステーキ定食

朴葉味噌定食

朴葉味噌 @ 飛騨古川味処古川 - 配菜

2009-05-17T12:50:00.003+08:00

在朴葉味噌定食，味噌夾雜一些蔬菜。

而在飛騨牛朴葉味噌ステーキ定食當然有飛驒牛啦～

用小火爐微微燒烤著，將牛肉烤熟，加上味噌，簡直是一流的撈飯正菜～
定食當然有前菜、溫物、湯、香物和甜品啦～

溫物　和式雜菜

飯加上其他殼物

飛騨牛朴葉味噌ステーキ定食的甜品是生果，貴D果然唔同D！

用膳完了的朴葉

名古屋名鉄グランドホテル

2009-05-16T23:00:00.004+08:00

名古屋名鉄グランドホテル - 環境
名古屋名鉄グランドホテル - 房間

名古屋名鉄グランドホテル - 環境

2009-05-16T22:45:00.010+08:00

地點：愛知県名古屋市中村区名駅一丁目2番4号　
　　　名古屋駅前名鉄バスターミナルビル 11F～18F
網址：http://www.meitetsu-gh.co.jp/

旅遊名古屋，如果自駕的話，去咩酒店住都無所謂啦，但對於不懂駕車的人仕，住宿最方便就是位於JR名古屋站前的酒店，因為方便坐車去其他周邊的旅遊景點。位於名鐵百貨樓上的名鐵格蘭酒店(名鉄グランドホテル)就最方便的酒店之一了。

酒店位於名鐵百貨Men館（名鉄百貨店メンズ館）的樓上，B1（即地下街位置）有專用電梯上酒店的，非常方便～

Front Desk在11樓，13至17樓都係客房～

專用電梯還可通去名鐵巴士總站和巴士站內的便利店，所以話呢間酒店特別適合以高速巴士為交通工具的旅遊人仕呢。

酒店房間望出去的是Midland Square和Mode Hal Isen。

名古屋名鉄グランドホテル - 房間

2009-05-16T22:30:00.002+08:00

和東京都的酒店一樣，Semi-Double的房間都是偏細～

幸好房間可以上網，而且是免費的，電視方面就只收看到東海的電視台和NHK等～

有電水煲自己煲水～

廁所比新宿的酒店大少少～

鐵板燒 @ 松菱日本料理

2008-11-18T23:00:00.002+08:00

鐵板燒 @ 松菱日本料理 - 環境 + Menu
鐵板燒 @ 松菱日本料理 - 鐵板燒套餐「竹」 - 海鮮
鐵板燒 @ 松菱日本料理 - 鐵板燒套餐「竹」 - 米國牛肉
鐵板燒 @ 松菱日本料理 - 鵝肝 + 鰻魚
鐵板燒 @ 松菱日本料理 - 鐵板燒套餐「竹」 - 燒飯
鐵板燒 @ 松菱日本料理 - 鐵板燒套餐「竹」 - 燒麵
鐵板燒 @ 松菱日本料理 - 鐵板燒套餐「竹」 - 燒野菜 + 甜品

鐵板燒 @ 松菱日本料理 - 環境 + Menu

2008-11-18T22:45:00.001+08:00

地點：萬麗海景酒店
時間：Lunch Time
價錢：竹$190；鵝肝兩客$170；鰻魚5安士$100

呢間真的可稱得上在香港數一數二的日式鐵板燒餐廳，達人都已經幫襯過兩次了。地點在灣仔的萬麗海景酒店，即使係Lunch時段，雖然價錢比晚市一大半有多，但材料依然新鮮，所以午市一定要定位至好來呀～

餐牌上有鐵板燒的套餐有「松」、「竹」、「梅」，要經濟又要多樣化，當然揀「竹」啦～

鐵板燒 @ 松菱日本料理 - 鐵板燒套餐「竹」 - 海鮮

2008-11-18T22:30:00.022+08:00

頭盤的沙律有野菜和車厘茄，再在上面淋上沙律醬。

鐵板師傅會把帆立貝的貝裙，內臟和貝肉分開，之後在貝殼內加入清酒和豉油，最後將煮好的帆立貝放回貝殼內才上菜給客人。

大蝦首先被切開頭部，之後去殼和挑去腸臟，師傅處理完大蝦彼就到鮭魚了，師傅將鮭魚皮和魚肉分別燒。

鮭魚肉燒到外熟內生，咬入肉心有入口即溶的口感，而鮭魚皮就燒到脆卜卜，好似蝦片一樣。

大蝦頭和鮭魚皮放在爐邊燒到炒完飯麵才送上。

鐵板燒 @ 松菱日本料理 - 鐵板燒套餐「竹」 - 米國牛肉

2008-11-18T22:15:00.003+08:00

廚師煮好海鮮，就開始烹調牛肉，材料新鮮，不過美國牛始終都係差D，厚燒的牛肉無乜雪花。

蒜片是一早預備好的。

達人第一次去松菱時是吃厚燒，就睇下厚燒牛肉和薄燒牛肉的分別吧！鐵板師傅首先煎好牛扒的兩面封住肉汁，之後就切開一段段繼續煎，最後切成一粒粒就上菜了。

始終都係美國牛，肉質不十分軟熟，師傅都都說薄燒比較好吃，達人都認為要厚燒一定要有和牛的級數才比較好吃。

第二次光顧松菱，達人就點了薄燒，師傅首先排好蔥粒及蒜片，之後牛肉分開每次兩片，放在鐵板上就立即放入蔥粒及蒜片卷好，最後分成兩件送上碟子去。

果然同厚燒有好大分別，因為是薄切牛肉，即將肉質不嫩滑都感覺不到。

鐵板燒 @ 松菱日本料理 - 鵝肝 + 鰻魚

2008-11-18T22:00:00.015+08:00

達人除了吃套餐，另外亦散叫了鵝肝和蔡瀾話必吃的鰻魚。鵝肝一客有兩小片，師傅首先將兩片印有松菱印鑑的白麵包放在鐵板上烘成多士，之後就開始煎鵝肝及加上鹽和胡椒，最後放上多士便成了。鵝肝滑，配合多士，吃起上來不覺油膩，非常正。

鰻魚是以每安士計的，兩個人一般會5至6安士，侍應說根據師傅切的手勢會有一兩安士的偏差，以每安士$20，一兩安的偏差都不是大問題，達人呢件鰻魚就有5安士，即$100。
至於處理鰻魚，師傅一開始未煮海鮮前就已經開始鰻魚了，壓平鰻魚。

用後面的蓋壓住鰻魚，鰻魚皮向鐵板，等佢自己慢慢燒，期間師傅就煮海鮮牛肉，當達人吃完牛肉後，鰻魚皮煎成脆卜卜，師傅才再煮鰻魚，最後淋上鰻魚燒汁。

果然皮脆肉嫩，難怪蔡瀾都極力推介，真是心機之作。

鐵板燒 @ 松菱日本料理 - 鐵板燒套餐「竹」 - 燒飯

2008-11-18T21:45:00.007+08:00

吃過主菜後，就到炒飯了，師傅將先前薄牛肉多餘的脂肪切出，再加上雜菜和雞蛋一起炒。

和炒飯同時端來的是麵豉湯，炒飯粒粒分明，不過油不油膩就真係好睇邊位師傅喇～

鐵板燒 @ 松菱日本料理 - 鐵板燒套餐「竹」 - 燒麵

2008-11-18T21:30:00.006+08:00

不選炒飯，可以揀炒麵，不過相對地，炒麵比炒飯真的相差頗大，廚師只是將油麵及銀芽和小量炒飯用的牛肉一起炒，再加Okonomiyaki用的燒汁。要說炒飯和炒麵，始終炒飯都係松菱的出名之作。

鐵板燒 @ 松菱日本料理 - 鐵板燒套餐「竹」 - 燒野菜 + 甜品

2008-11-18T21:15:00.006+08:00

師傅最後烹調的是燒野菜，以銀芽為主加入椰菜及甘荀絲等，清淡的味道，配合之前的炒飯或炒麵一起吃，特別可口。

套餐裏的最後一道是甜品及，達人第一次的是小蛋糕，侍應小姐仲會換上另一杯熱茶，以百幾蚊的價錢享受一過五星級的服務及午餐，達人就覺得好抵喇～

第二次的午餐甜品是蜜桃布甸。

福岡博多士多啤梨

2008-03-29T23:00:00.007+08:00

近日，一些大型超級市場都有售賣的福岡士多啤梨，達人都唔執輸在Taste買左一盒回家品嚐。在Taste賣的都係G級（即有甘皇之稱），形狀不一。

達人在Sogo見到一盒兩pack賣$168，依家在Taste可以用$68就買到半盒，好似好抵咁，其實在日本只係賣700yen，如果用依家對78咁計，平香港少少啦～

一盒有11粒，不過有好多都已經好熟了～

達人試左覺得頗清甜啦和多汁，同韓國的士多啤梨，呢隻甘皇都係差不多o者，不過韓國的士多啤梨就細粒D同平D啦～

澳門威尼斯人度假村酒店

2007-12-26T23:00:00.005+08:00

澳門威尼斯人度假村酒店 - 房間
澳門威尼斯人度假村酒店 - 浴室
澳門威尼斯人度假村酒店 - 其他

澳門威尼斯人度假村酒店 - 房間

2007-12-26T22:55:00.003+08:00

網址：http://www.venetianmacao.com/

澳門威尼斯人求假村酒店新張試業時，達人都唔執輸用最平的$1088book了一晚皇室套房（ROYALE SUITES）。雖然新張其間，reception真的頗混亂，不過房間事實真的很豪華！

一張king-size的床，超舒服～～

低台客廳

沙發床

櫃內有雪櫃和mini-bar

油畫都是威尼斯唷！

澳門威尼斯人度假村酒店 - 浴室

2007-12-26T22:50:00.004+08:00

浴室大到簡直是可以和香港的發水樓單位一樣。

有企缸

亦有浴缸

洗面盆都兩個，朝早唔洗爭～

所有清潔用品都齊備～

漱口都可以唔洗用水喉水～

要浸浴的，仲有泡泡浴液和浴鹽～

梳妝檯

廁所呢？．．．咪就是在洗手盆和梳妝檯中間度門入面啦～

澳門威尼斯人度假村酒店 - 其他

2007-12-26T22:45:00.005+08:00

有電水煲，一家大細有BB都可以煲水開奶兼食返個杯麵宵夜啦～

雪櫃裝滿曬，拎一件計一件～

仲有零食，不過都係果句，拎一件計一件～

電視和小夾萬在床腳，要打開個櫃至睇到電視。

這個設計很差，櫃門最盡開得180度，行出行入要小心度門，尤其如果有小朋友仲死，一個唔該，櫃門撞正頭仔，差差差！！！！

松阪牛肉 @ 新宿六歌仙

2007-11-28T23:00:00.002+08:00

松阪牛肉 @ 新宿六歌仙 - 環境 + Menu
松阪牛肉 @ 新宿六歌仙 - 前菜
松阪牛肉 @ 新宿六歌仙 - 龍蝦
松阪牛肉 @ 新宿六歌仙 - 燒肉
松阪牛肉 @ 新宿六歌仙 - 粥麵 + 甜品

松阪牛肉 @ 新宿六歌仙 - 環境 + Menu

2007-11-28T22:50:00.011+08:00

地點：東京都新宿区西新宿1-3-1 サンフラワービル6F/7F
網址：http://www.rokkasen.co.jp/

去新宿又要食好味的燒松阪牛肉，六歌仙真係不二之選，而且仲得到朝日電視的「通が選んだ食べ放題ベスト100」燒肉系列的全國第一位。六歌仙地點正正在新宿西口附近，如果住宿在新宿太子酒店就更加方便，不過記得事先訂定位呀～

達人點選了宴會，而不是放題，原因係放題又要食到松阪牛，價錢要19950，但是宴會只雖10710就可以了，加上宴會有的龍蝦在放題是沒有的，所以達人點了「六歌仙コース」。

仲有個貴的「吉祥コース」，分別在於牛的再靚D的部位。

除了套餐，仲有單品可以選擇。

松阪牛肉 @ 新宿六歌仙 - 前菜

2007-11-28T22:40:00.008+08:00

餐前清酒。

達人另外order的柚子梳打酒和烏龍凍茶。

前菜好韓國泡菜感覺。

直頭係韓國的Kimchi泡菜。

有蟹肉絲的沙律。

松阪牛肉 @ 新宿六歌仙 - 龍蝦

2007-11-28T22:30:00.006+08:00

「六歌仙コース」裏除了主菜燒松阪牛肉外，仲有海鮮－燒伊勢海老，即係龍蝦。

千祈唔好燒到咁熟呀，唔係就肉質鞋口喇～

松阪牛肉 @ 新宿六歌仙 - 燒肉

2007-11-28T22:20:00.005+08:00

「特選黒タン塩」即係鹽燒牛舌，不過呢幾塊牛舌並非松阪牛。

「特上カルビ」即是牛肋骨附近的肉，去韓國餐廳燒牛肉一定就係呢D肉喇，燒好仲可以和生菜包住一起吃～

終於到主主主菜了，松阪牛肉「松阪ロース」，即係牛背部位的Sirloin，可以選擇用鹽或BBQ汁，達人當然兩樣都試曬，一塊鹽燒，一塊汁燒啦～

松阪牛肉 @ 新宿六歌仙 - 粥麵 + 甜品

2007-11-28T22:10:00.004+08:00

套餐裏最後的是飯麵粥，可以揀石頭飯、蟹粥、肋骨肉湯飯、蟹湯飯、人蔘雞湯飯、冷麵或茶漬飯。

達人以為個粥係好似蟹道樂果D雜炊，於是點左蟹粥，點知真係一碗淡而無味的粥，真係成餐晚飯最失敗的菜色，o岩曬病人食的粥。

另一個就叫了「カルビクッバ」即係肋骨肉湯飯。

最後係甜品，檸檬雪芭，是食完濃味的燒肉後最好的甜品。

鬼怒川 Kinugawa Plaza Hotel

2007-11-26T23:00:00.001+08:00

鬼怒川 Kinugawa Plaza Hotel - 環境

2007-11-26T22:55:00.004+08:00

地點：栃木県日光市鬼怒川温泉滝530

網址：http://www.kinugawa.co.jp/plaza/index.html

鬼怒川是關東地區最大的及最近東京的溫泉鄉，加上景色優美，是去東京Shopping博殺之餘，欣賞大自然的好地方。

從外看，酒店一面向溪，另一面就向山，達人建議book向溪的方向景色優美D～

酒店門外唔係齋用來裝飾的，是浴足場來嫁，仲係唔限酒店住戶添～

酒店內Front Desk～

大堂有賣手信、浴衣和小食的舖頭，不過酒店對面都有間小小不知名的便利店，如果夜晚搵野食，去便利店啦～

大堂仲有公眾電話（似俾人影相多於打電話）和免費上網的電腦（去Front Desk俾酒店房號就用得了）。

鬼怒川 Kinugawa Plaza Hotel - SUKIYA フロアー

2007-11-26T22:50:00.002+08:00

達人入住的房間係有私人露天風呂的特別室「雅亭」，全酒店只有9間，而且有分向溪景的是檜風呂和向山景的陶器風呂，達人覺得浸溫泉的話，最理想當然係由石砌成的風呂，其次就係檜風呂，而陶器風呂就感覺好似浸浴缸咁～

SUKIYA floor 是在8樓的，出到8樓的電梯大堂有懷舊氣氛的和式擺設～

每間房間門口都有一個鳥籠的小黃燈，非常優雅～

鬼怒川 Kinugawa Plaza Hotel - 房間「雅亭」- 大廳及睡房

2007-11-26T22:45:00.003+08:00

玄關有鞋櫃給人客放鞋，不用擺到隨地都係。

主廳連接睡房，休息室及露天風呂，後面的小樓梯就是上去私人露天風呂喇。

另一邊，即電視後面的就是睡房。

電視是LCD TV，不過就沒有接收高清廣播～

檯面有茶具給人客沖茶（茶葉及電動水壺房內都有供應），還有紅豆和果子～

睡房是和式他他米，兩張床舖都不一樣，非常細心～

鬼怒川 Kinugawa Plaza Hotel - 房間「雅亭」- 休息室及廁所

2007-11-26T22:40:00.001+08:00

連接大廳另一邊是休息室，放左部按摩椅，浸完溫泉再坐按摩椅，簡直身心都鬆曬～

休息室有衣櫃放衣服，當然入面有浴衣俾客人穿著啦～

從玄關右面入去就係大廳，左邊就係廁所，廁所分開3區，所以人多就唔洗驚一個沖緊涼，其他人就去唔到廁所喇。首先係梳洗區，有兩個洗手盒，而且有KOSE男女仕的護膚用品～

沖涼區有和式淋浴和浴缸，住得呢間有私人風呂的房，當然唔洗在浴缸浸浴啦，係度洗完白白就去浸溫泉啦～

廁所區地方比較細，不過馬桶係電動馬桶的～

鬼怒川 Kinugawa Plaza Hotel - 房間「雅亭」- 檜の露天風呂

2007-11-26T22:35:00.007+08:00

露天風呂正正就在大廳後面的小樓梯上，環境非常寬敞，並且有竹簾遮蔽，浸溫泉的人可以透過竹簾的小空隙欣賞鬼怒川的風景之餘，街外人又不會看到溫泉內的春光，保障私隱。

檜風呂的大細足夠兩個大人一起浸溫泉。

有3個水龍頭給人自行調校溫泉水的出口位及水溫。

呢個就係溫泉上喇，溫泉下即風呂內的另一出水口。

竹簾並非全面遮蔽整個露天風呂，所以浸緊溫泉時可以抬頭睇到星星。達人入住呢間酒店時正是冬季的星空，加上沒有都市的光害，所以看到夜空裏的獵戶座呢～

風呂望出去的就是鬼怒川五橋之一的「くろがね橋（黑鐵橋）」。

鬼怒川 Kinugawa Plaza Hotel - 個室貸切露天風呂「あけび」

2007-11-26T22:30:00.009+08:00

從網上book「雅亭」的住宿Plan都會送免費一個鐘去個室貸切露天風呂「あけび」浸溫泉，呢個露天風呂本來要收3600 Yen的。

地點：栃木県日光市小佐越字原19-26

網址：http://www.akebi-onsen.com/

「あけび」離酒店頗遠的，所以酒店會有穿梭小巴接送酒店住客，在酒店Front Desk訂好幾點去「あけび」就要20分鐘前在Lobby等司機，要自己帶毛巾仔去的（拎酒店房內的毛巾仔，大毛巾就唔洗喇），仲有記住臨上車前去Front Desk拎籃浸溫泉的用品，籃內有日文的Instruction。

Instruction介紹幾時用邊D護膚用品；CD和籃係要還返俾酒店Front Desk，其餘就可以拎走唔洗還。

「風待ち亭」是「あけび」的接待大廳，亦是休憩地方（供應免費和果子及茶）、可看漫畫書），仲有浴足場。

一共有十個個室貸切露天風呂，達人去的就叫「水の湯処」。

裏面都算大呀，起碼大個東京D酒店的Semi-Double Room，有兩張藤椅。

呢張長檯有齊梳洗的設備，而且自己可以泡好茶，一邊浸溫泉一邊銘茶，正～

放好酒店俾的CD就可以拉繩播歌～

推開玻璃門就到露天風呂了～

同酒店的私家風呂一樣，有檜風呂，另一個係石造風呂，個石造風呂都幾似浴缸，達人都係比較喜歡檜木的風呂多些，仲有可以俾人浸腳的椅子。

洗白白的地方就在檜風呂隔離，達人去「あけび」果晚得10度，在呢個露天位沖洗都幾係野～

好彩廁所是在室內的。

鬼怒川 Kinugawa Plaza Hotel - 個室貸切露天風呂「鬼燈亭」

2007-11-26T22:25:00.002+08:00

酒店另一個個室貸切露天風呂「鬼燈亭」，用呢個風呂只有50分鐘時限，記得網上予約房間時睇清楚有無付送，否則想玩就要俾3465 Yen喇～

「鬼燈亭」好近酒店，行一小段路就到，如果天氣唔係好凍，可以試下穿著酒店浴衣行去，感受下溫泉鄉的風味。「鬼燈亭」門口景致優美，達人雖然沒有入內浸風呂，不過環顧四周的景色，應該是望山的溫泉浴～

鬼怒川 Kinugawa Plaza Hotel - 夕食 - 環境+前菜

2007-11-26T22:20:00.012+08:00

晚飯可以揀「網焼き会席膳」或「田舎大皿料理」。天氣凍凍，達人就揀左「網焼き会席膳」，好處係對住火爐暖洋洋，而且食物都係熱辣辣的。想晚餐食「網焼き会席膳」就要在做online reservation訂房時要求食呢個網燒席喇，否則default俾「田舎大皿料理」。而呢餐飯亦要在Check-In時同Front Desk的職員訂定時間（最後入席時間係7:30pm）。

食「網焼き会席膳」的地方就是「華厳」，個室的環境，每一檯都好私隱的；另一個「田舎大皿料理」都會係個室的環境，不過地方就係在「都味喜」。

傳統日式料理必備之物「清酒」，乾杯～

前菜沙律及一杯唔知係咩的野～

都係前菜，懷石料理的小菜仔～

鍋物，仲有日光最出名的ゆば（湯波），即腐皮卷～

呢個網燒席特別的調味品「鹽」，有成5隻任用（梅ごま塩、七味ネギ塩、唐辛子塩、ゆず塩、にんにく塩），將燒好的食物點來吃，非常特別又好味，達人最愛就係點蒜鹽和有辣味的鹽～

鬼怒川 Kinugawa Plaza Hotel - 夕食 - 網燒+甜品

2007-11-26T22:15:00.007+08:00

網燒用的火爐係無煙的～

鴨胸，日光牛和野菜。

仲有長腳蟹，金沙骨，魷魚和野菜。

食完網燒，有お茶漬け～

最後有檸檬和士多啤梨雪芭，冰抹茶。

鬼怒川 Kinugawa Plaza Hotel - 朝食

2007-11-26T22:10:00.007+08:00

早餐可以選擇食西式或日式，在之前一晚食晚餐的時候，餐廳內的待應會問明日想食日式早餐定西式早餐，旅行黎到日本，達人當然揀食日式早餐啦～

食日式早餐的地方係Lobby果層的「都味喜」，又係個室的設計的小廂房內吃早餐～

窗外可望到鬼怒川的景色～

入正題了，有湯有飯的早餐～

前菜小沙律。

送飯小菜。

又係日光名物「ゆば」。

味噌湯用個爐熱住，所以達人覺得特別好飲～

有幾塊紫菜，可以自製小飯團或小手卷呢～

如果食西式就會去另一間餐廳食，buffet形式，沒有個室的風味，但有梳化位呢～

鬼怒川 Kinugawa Plaza Hotel - 前往方法

2007-11-26T22:05:00.007+08:00

由新宿去鬼怒川有兩個方法，平的方法係去淺草坐「東武日光線」，貴少少的係由新宿坐「東武鐵道 - 特急列車」，達人去旅行的宗旨係唔浪費時間，所以寧願俾多少少錢唔洗左轉車右轉車。

達人早幾日就買定車票「JR 東武日光．鬼怒川フリーきっぷ」訂定來回的車位，唔怕無位坐呀～

特急「日光号」就正正停在成田Narita Express的月台。

即3號月台呀～

去到下今市站轉車去鬼怒川溫泉站。

出左車站轉右就會見到巴士站，認住5號巴士，上到去要話俾司機知你要去的酒店名稱，如果唔識日文，可以去旅行前print定酒店名出來，呢程巴士就算有「JR 東武日光．鬼怒川フリーきっぷ」都唔包嫁，所以要準備散紙搭車唷～

鐵板燒 @ 新宿車屋別館

2007-11-24T21:00:00.001+08:00

鐵板燒 @ 新宿車屋別館 - 環境 + Menu
鐵板燒 @ 新宿車屋別館 - 前菜
鐵板燒 @ 新宿車屋別館 - 鐵板日本牛
鐵板燒 @ 新宿車屋別館 - 甜品

鐵板燒 @ 新宿車屋別館 - 環境 + Menu

2007-11-24T20:45:00.003+08:00

地點：東京都新宿区新宿3-21-1
網址：http://www.kuruma-ya.co.jp/bekkan/index.html

達人叫左海の幸とステーキのコース（10800Yen)和ステーキのコース（8600Yen)，貴D果個Set有海鮮。

地下係鐵板燒，樓上食日本料理或Shabu Shabu。

鐵板燒 @ 新宿車屋別館 - 前菜

2007-11-24T20:30:00.001+08:00

上ぐるなび的網址download coupon就有杯soft drink送。

前菜係一舊燒魚，無骨的，而且好香好脆口～

前菜仲有舞茸和海鮮餅～

跟餐可揀麵包或白飯，達人就要左麵包～

海の幸とステーキのコース的Set個Soup係有兩粒類似水餃的～

ステーキのコース的Set個Soup係忌廉湯，達人覺得忌廉湯好飲D～

海の幸とステーキのコース的魚，好鮮味～

鐵板燒 @ 新宿車屋別館 - 鐵板日本牛

2007-11-24T20:15:00.005+08:00

達人叫左一個set係Sirloin，另一個係Tenderloin，可以試曬兩樣～

點牛的汁～

Sirloin

Tenderloin

鐵板燒 @ 新宿車屋別館 - 甜品

2007-11-24T20:00:00.003+08:00

鐵板師傅好Nice～

餐後有杯日本茶

士多啤梨雪糕加芝士蛋糕

拖肥雪糕加芝士蛋糕

新宿太子酒店

2007-11-23T23:00:00.001+08:00

新宿太子酒店 - 環境
新宿太子酒店 - 房間
新宿太子酒店 - 前往方法

新宿太子酒店 - 環境

2007-11-23T22:45:00.005+08:00

地點：東京都新宿区歌舞伎町1-30-1
網址：http://www.princehotels.co.jp/shinjuku/

新宿區最方便的酒店，由JR新宿站東口出，只雖幾分鐘就到達，兼且位於歌舞伎町附近，夜晚仲有好多餐廳營業中，最o岩鍾意行到夜一夜的人仕喇～

向東口的房間，從窗外可以睇到コマ劇場、Kent Hotel、激安の殿堂ドンキ王国等。

向西口的房間，從窗外可以睇到小田急HALC的Bic Camera及西口的寫字樓大廈。

如要上網，一係俾錢500 Yen一晚，一係拎部Notebook落B1的Lobby用免費Wifi。如果連電腦都無就要俾錢用B1的Lobby果幾部公用電腦喇！

新宿太子酒店 - 房間

2007-11-23T22:30:00.007+08:00

達人入住酒店時，酒店已經翻新了大部份樓層，翻新後感覺高尚和先進了。

呢間房係普通的Semi-Double Room。

房內的傢俬都用深啡木色，和香港現時新的裝修好相似。房間內沒有熱開水供應的，要熱水煮杯麵或飲茶，就要拎個保溫水壺（房內有）去每層電梯口的汽水機附近裝熱水喇。雪櫃內係沒有飲品的，大家自己去便利店買完返上去雪啦～

原先房間內的衣櫃已經拆了，取而代之係用鏡後的少空位掛衫。

廁所同未翻新前差不多，都係塑膠廁所，馬桶仲係電子馬桶添。

電視已改為Sharp LCD電視，而且仲係收高清廣播台，非常清～

新宿太子酒店 - 前往方法

2007-11-23T22:15:00.015+08:00

大家去由JR新宿站去新宿太子酒店多數都會由地面行去，出「歌舞伎町方面」的樓梯上到地面就朝住百果園行去，一直行，再由十字路口過馬路，向左手邊行去紅磚的酒店就到達了～

達人依家介紹一條可以由地下街行去的路，尤其係在落雨天時，呢條路就最方便了。

首先離開中央改札口後，大家會見到「西口方面連絡通路」和「歌舞伎町方面」的指示牌，平時會上「歌舞伎町方面」的樓梯去地面，要行地下街去就要向「西口方面連絡通路」行喇。

行到黎呢個樓梯口，係喇，就係落去東京Metro地鐵的大堂喇。落到去就向右轉，經過左丸之內線的改札口後，就去到一個行人通道，有好多個出口的Number。

要去新宿太子酒店就要找B10出口喇，行落去Subnade呢條地下商店街（有扶手電梯落），一落到去就係Subnade 4丁目。

行到去大十字路口，右邊去3丁目，左邊去2丁目，去新宿太子酒店方向就要轉右入Subnade 2丁目喇。

其實由呢個十字路開始，只要跟住頭頂D指示，向住「新宿プリンスホテル」的箭咀行就得喇～

過左2丁目就繼續行入Subnade 1丁目，行到尾就係一丁目廣場，在呢度就要向右轉，終於到達地下街去酒店的出口了。

出左玻璃門，如果PePe未開，就要行樓梯上去，上到地面，行多兩步就去到酒店門口了～

如果PePe開左門，就可以入PePe，再坐電梯上1F，跟住地下的黃線就可以出到地面，如果有好多行李，用呢個方法就少D抬上抬落。

要經地下街由酒店行去JR站？跟住JR方面的指示牌行就得喇，簡單過由JR站行去酒店的。

九龍酒店酥皮奶黃月餅

2007-09-24T23:00:00.001+08:00

地點：九龍酒店
價錢：$138 (用指定信用卡$108)

達人食過半島酒店出品的奶黃月餅，於是又去左隔離的九龍酒店買左盒奶黃月餅。

又係一盒八個，無獨立包裝。

成份如下～

因為無落防腐劑，所以要放入雪櫃，食時才叮熱佢。
達人叮左20秒，個皮入口好鬆脆，個奶黃就蛋味較重。

同半島的比較，半島比較大，奶黃比較無咁燈黃，達人比較下，覺得半島的奶味重D，整體九龍酒店出色D，下次試埋嘉麟樓先（達人去過嘉麟樓，不過無貨喎）

和記隆冰脆龍鬚月

2007-09-22T22:02:00.001+08:00

價錢：$68
達人除左奶黃月餅外，就係買左和記隆的冰脆龍鬚月。

與其說它是一個月餅，不如話係一個加大版龍鬚糖。

成份如下～

達人吃過覺得只係一粒Double左大小的龍鬚糖，同樣係花生芝麻餡，如果用平時係街邊$12一盒龍鬚糖，$68可以買到5盒有多喇～

半島酒店迷你月餅

2007-09-13T22:00:00.001+08:00

地點：半島酒店
價錢：迷你奶黃月$95；迷你雙輝月$118（買滿十盒有一盒16粒的朱古力送）

今年半島酒店出名的奶黃月餅可以在各大公司預訂，而且價錢不算太貴，所以達人都Order左一盒迷你奶黃月和迷你雙輝月。

包裝好精美，有貼紙封印住D月餅，裏面獨立包裝。

成份如下～～～

個子確是迷你，蓮蓉月只是厚身少少。

奶黃月很奶黃包feel，餅皮都叫鬆脆，達人試過叮10秒至食，非常好味～～

蓮蓉月就差D喇，蛋黃沒有金油，另外黃蓮蓉不滑不香而且很甜～

自家製辣汁蘑菇飯

2007-09-01T23:00:00.000+08:00

達人又係網上找到KFC的辣汁蘑菇飯的食譜，於是四出找材料，原來火雞汁係好少地方有的，暫時達人只係在City Super找到有得賣咋～

材料：
火雞汁　 1罐
蘑菇片(細) 2罐
蒜茸 1茶匙
洋蔥茸 1茶匙
牛油少許
豉油少許
黑椒少許

用牛油爆香蒜茸洋蔥茸，再加入蘑菇片炒香。
加入火雞汁，可加少許水（如想稀少少），達人就無加水喇。

中火煮到汁稠後，加入適量豉油及黑椒（可多加如想辣D）。

達人試過個味真係好似，City Super有另一隻肉汁，大家千祈唔好買錯。

自家製香蒜肉絲意粉

2007-08-18T23:00:00.000+08:00

達人係網上找到Pizza Hut的香蒜肉絲意粉，於是就去超市買好材料開工。
呢兩樽就係個意粉的精粹所在，左面果樽係蒜鹽，右面果樽係蒜粉。

材料（三人份量）：
免治豬肉 $5 – 8　
雜豆 $2 （達人貪方便，正宗要用甘筍粒、青豆、蘑菇片）
火腿 1片（達人用左煙肉3條）
蒜鹽少許
蒜粉適量（可多加）
牛油適量
意粉 1/3包
洋蔥少許

預備：
1. 免治豬肉用蒜鹽和蒜粉醃好
2. 火腿／煙肉切條
3. 意粉用水煮熟
4. 洋蔥切成茸或粒

意粉煮熟後用牛油，蒜鹽少許，蒜粉拌勻。

用牛油爆香洋蔥茸，再炒熟免治豬肉，火腿／煙肉，雜豆

把意粉放在意粉碟上，再鋪上剛才炒熟的配料，拌勻。

放進微波爐叮分半至兩分鐘即成。味道同Pizza Hut有9成似，係免治豬肉無Pizza Hut咁似啦～

High Tea @ Haagen-Dazs

2007-06-18T16:00:00.000+08:00

地點：銅鑼灣時代廣場
價錢：$138

假日係度食High Tea個Set要$168的，平日就$138，計返佢一個Cone要$29，$138有四個球，平日食抵D。

達人兩個人食呢個High Tea真係好飽，如果有3-4人食會滋味D。

一共有三層，用金屬架盛著。

達人揀左夏威夷果仁，Tiramisu，芒果及哈蜜瓜的雪糕球。個夏威夷果仁好普通，無乜Nuts味，哈蜜瓜有果肉係中間，其他都好味～

中層有小Cake仔，有芝士，亦有Coffee味，不過唔係好Surprise～

最底層係生果，不過士多啤梨同奇異果都好酸下。

最後有杯illy咖啡或茶揀，因為達人唔太好咖啡，所以揀左奶茶，真係好酒店式奶茶，又無茶味，又無奶味，差～

海の幸燒肉 @ 盛八燒肉

2007-06-18T15:00:00.000+08:00

盛八燒肉 - 環境 + Menu
盛八燒肉 - 海の幸燒肉二人前

海の幸燒肉 @ 盛八燒肉 - 環境 + Menu

2007-06-18T14:45:00.000+08:00

地點：銅鑼灣Sogo對面
時間：Lunch Time
價錢：$138

韓國燒肉就食得多喇，達人今次去食日式燒肉，盛八的環境好有日本居酒屋feel。銅鑼灣呢間門口有間VIP房，大班人就最o岩，不過好似要Book的～

達人揀左午餐Menu內有牛舌的海の幸燒肉套餐，因為據聞呢間幾出名吃牛舌的。

海の幸燒肉 @ 盛八燒肉 - 海の幸燒肉二人前

2007-06-18T14:30:00.000+08:00

跟餐有沙律，湯和白飯。

所有要燒的一碟送上，有蝦、牛肉、牛舌、魷魚、雞肉。

燒牛肉要謹記阿蘇秘訣，辣好一面至辣另一面，千祈唔好反來覆去，果然好Juicy，又唔乾，正～

牛舌就麻麻，因為佢係粒狀，達人怕唔熟，所以over-cook左，感覺無牛肉咁好味，下次可以試下個薄切牛舌～

其他雞肉、魷魚、蝦都Okay，兩個人份量剛剛好，讚～

什果豆腐花 & 湯圓 @ 糖朝

2007-05-25T06:00:00.000+08:00

地點：尖沙咀廣東道

達人食完台灣牛肉麵，順便去埋隔離間糖朝食糖水。新舖門口好中國FEEL，有兩層，好金壁輝煌咁。

什果凍豆腐花：豆腐花始終都係Ｄ豆腐舖，人和呀公和呀至係最正，呢度始終都o岩遊客多D。

湯圓：達人鍾意個糖水多D，好夠辣，應該落左好多薑，反而個湯圓就都係好利川下～～

台灣牛肉麵 @ 台灣牛肉麵

2007-05-25T05:00:00.000+08:00

地點：尖沙咀廣東道
價錢：兩碗麵大約$85

某日行經廣東道唔知食乜好，求其入左呢間話有招牌台灣牛肉麵的店子吃碗麵，環境裝修係就係幾好，中國式桌椅，呃鬼佬啦。

招牌牛肉麵，＄39，好貴。達人叫左一個台灣紅燒牛肉麵，一個台灣清湯牛肉麵，好普通～～～～的味道唷，仲要收茶錢和加一，真係呃鬼左喇～

糯米糍 @ 街知巷聞

2007-05-21T14:00:00.001+08:00

價錢：3粒 $12

達人買左第一二位的芒果豆腐、奶黃豆腐、豆腐、芝麻、木瓜味來試。

芒果豆腐：芒果味重過豆腐味
奶黃豆腐：又係奶黃味蓋曬豆腐味
豆腐：呢粒就真係食到豆腐味喇
芝麻：No Comment
木瓜：好味

呢個新興小食，達人鍾意佢唔太甜，不過舖在糯米糍的粉粉就濁到達人咳左好耐啦～

海南雞飯 @ 三巡海南雞飯

2007-05-18T14:00:00.000+08:00

地點：太古城Food Court
價錢：海南雞飯 $48
時間：Lunch Time

自從太古城一年前裝修到高檔左之後，達人都未試過係太古城Food Court食過飯，今日黎開太古城開會終於可以去試下喇～

睇左網上有食評話呢度有間「三巡海南雞飯」的海南雞飯幾出名喎，前新加坡文華酒店海南雞飯始創人主理，本店係新加坡，所以佢的海南雞飯係正宗的喎。

油飯幾香，不過略為唔夠熱。

雞全部起曬骨，淨肉，如果唔想食皮，仲可以叫師傅去埋皮添。雞肉真的很滑，不過份量太少喇，達人食曬D雞都仲未食曬D飯，要用薑蓉送埋剩下的飯。

油菜都係唔熱。

個例湯就熱喇～

喜慶滿月壽筵晚飯 @ 東海海鮮酒家(宴會廳)

2007-05-14T14:00:00.000+08:00

東海海鮮酒家(宴會廳) - 環境 + Menu
東海海鮮酒家(宴會廳) - 主菜
東海海鮮酒家(宴會廳) - 美點雙輝

喜慶滿月壽筵晚飯 @ 東海海鮮酒家(宴會廳) - 環境 + Menu

2007-05-14T13:45:00.000+08:00

地點：尖沙咀美麗華商場
價錢：$2680

年年母親節，D酒樓多數都係ABCD餐，好少有得散叫。既然係咁，達人就去成日係電視賣ABCD餐的東海海鮮酒家吃晚飯喇～

呢D節日，要分時段去，達人揀左早段，即係6:00pm – 8:30pm，早段有個唔好處就係佢地想快D翻枱，所以上菜上得好快，一碟未食完就上埋其他兩三碟菜，達人食到好似倒垃圾叫～

首先講講環境，面對九龍公園泳池，好開揚，室內樓底好高，又有水晶燈，擺酒就好～

達人揀左個平平地的喜慶滿月壽筵晚飯。

喜慶滿月壽筵晚飯 @ 東海海鮮酒家(宴會廳) - 主菜

2007-05-14T13:30:00.000+08:00

講返個餐，乳豬係無分皮肉切，達人仲以為自己食緊燒肉呀～

翡翠蝦仁

金網芝士卷：入面係白汁，好似飲忌廉湯咁，又熱辣辣，好味道～

紅燒雞絲生翅：個翅都唔熱的，達人要叫左經理整返熱佢，差！！！

發財蒜子柱甫

原隻鮑魚扣花菇：雖然唔係溏心鮑魚同埋隻鮑魚都幾細隻下，不過原來鮑魚點芥醬又幾好味喎～

清蒸游水老虎班

脆皮炸子雞

喜慶滿月壽筵晚飯 @ 東海海鮮酒家(宴會廳) - 美點雙輝

2007-05-14T13:15:00.000+08:00

長壽伊麵

合桃叉燒酥

東海壽桃包：好大個包，有原隻蛋黃，必食～

火艷法式燉蛋：凍食，又不太甜，o岩曬達人口味～

同場加影：達人之前係東海已經食過幾次呢個餐了，貪佢平，不過好似好少變化喎～

Set Lunch @ A-1 Restaurant

2007-05-02T14:00:00.000+08:00

A-1 Restaurant - 環境 + 頭盤
A-1 Restaurant - 意粉 + 奄列飯

Set Lunch @ A-1 Restaurant - 環境 + 頭盤

2007-05-02T13:45:00.000+08:00

地點：沙田沙田新城市廣場
價錢：兩個餐加埋一$128

勞動節出街真係周圍都係人，九廣鐵路必經之地 -沙田- 就更加多人，加上City Super下面D食肆又裝俢，達人好不容易至找到一間唔洗乜點等好耐的餐廳「A-1 Restaurant」。

頭盤有蔬菜沙律，麵包，西湯。麵包仲有4個咁多，達人食左2個都已經飽飽地喇，不過D麵包真係好軟熟，果然A-1的麵包係出色D。

Set Lunch @ A-1 Restaurant - 意粉 + 奄列飯

2007-05-02T13:30:00.000+08:00

達人叫左兩人個Set Lunch：豬扒蛋奄列飯，蕃茄蘑菇意粉。

蕃茄蘑菇意粉只係一般。

達人本來諗住個豬扒一定好韌，點知比想像中淋，個蛋奄列飯真係幾得嫁～

甜品係芒果布甸，仲有餐飲。

服務就真係麻麻，甜品要儲埋一堆至送來，所以食完主菜係要等埋其他枱食完至有甜品送到，不過就真係食個飽，好滿足。

美心彈蛋糕

2007-04-29T14:00:00.001+08:00

美心出左呢個新款蛋糕叫「彈蛋糕」喎，達人終於都試左喇，其實係一個好大的紙包蛋糕，除左面層係生果之外,中間全部都係雪芳蛋糕，無cream又無餅底，加上附送的呍呢嗱醬，味道真係好一般，生果酸酸的，夠5-6人吃，$98好似唔係好值喎～

盒子外有教點開個蛋糕和食用方法。

佢話係呍呢嗱醬，其實咪係吉士醬～

個雪芳蛋糕本身唔係好甜，加左醬至有D味～

吉列定食 @ 井吉日本吉列專門店餐廳

2007-04-16T14:00:00.000+08:00

井吉日本吉列專門店餐廳 - 環境 + Menu
井吉日本吉列專門店餐廳 - 豬柳 + 雜錦海鮮

吉列定食 @ 井吉日本吉列專門店餐廳 - 環境 + Menu

2007-04-16T13:45:00.000+08:00

地點：尖沙咀彩星集團大廈
價錢：吉列豬柳定食$145；雜錦海鮮定食$168

達人係好耐好耐之前已經食過呢間吉列餐廳，係達人唯一覺得最有日本吉列風味的地方。以前佢地在地舖，依家搬左入地庫。

小朋友餐具係Miffy來的～

最好玩的是自磨芝麻，加埋個醬汁，用來點吉列豬，一流～

吉列定食 @ 井吉日本吉列專門店餐廳 - 豬柳 + 雜錦海鮮

2007-04-16T13:30:00.000+08:00

達人叫左一個吉列豬柳定食和雜錦海鮮定食。

豬柳幾淋，不過當然同係日本和幸比，就仲有一段距離啦～

雜錦海鮮定食裏，達人最愛就係吉列蠔，真係好正，可惜只係得一隻，唔係好夠喉，下次要淨叫一碟吉列蠔，嘩～

除左自自磨芝麻醬，仲有他他醬、海盬、芥辣，不過芥辣好攻鼻。
白飯椰菜絲可以不段refill，不過達人食左兩碗半飯就投降了～

最後有西瓜呢個飯後果，可能未到季節，唔係好甜。

自家製吉野家牛肉飯

2007-04-08T14:00:00.000+08:00

達人有日去開Sogo Supermarket見到呢支牛肉汁，見到後面的煮法非常簡單，於是就買左返屋企試下喇～

材料（一人份量）：
牛肉汁 1/4樽（個樽有刻度，不怕倒多）
水 40ml
肥牛隨意
洋蔥 1/3個
P.S. 相中份量係3個人的份量

首先牛肉汁同水倒入鑊中，煮滾後就放入洋蔥。

洋蔥煮到差唔多淋淋地就落埋牛肉。

最後慢火煮到D汁收傑就可以撈飯。

味道同吉野家一樣的，仲無吉野家D汁咁多油添，自己加埋七味粉，一流～

在City Super見到另一隻黑色版，煮法一樣，只不過係份量係牛肉汁1/5樽加45ml水。

大阪薄餅及漢堡扒 @ 遊樂

2007-04-07T14:00:00.001+08:00

遊樂 - 環境 + Menu
遊樂 - 漢堡扒定食
遊樂 - 大阪薄餅

大阪薄餅及漢堡扒 @ 遊樂 - 環境 + Menu

2007-04-07T13:45:00.000+08:00

地點：銅鑼灣百達中心
價錢：漢堡扒定食$78；大阪燒餅$48（加豬肉$10）

達人以前去尖沙咀近Duty Free果度時，對果間有得食大阪燒餅的餐廳已經好有興趣一試，可惜最終執埋都未曾一試，之後就無發現邊間有得食大阪燒餅了～

最近在Openrice見到有介紹一間叫「遊樂」的餐廳有得食喎，達人當然要去一試啦。

達人叫左漢堡扒定食和散叫了大阪燒餅（加豬肉）。

呢間餐廳真係好細間，最多可以坐十幾日到，煮野食的只有一兩個人，所以如果人多我諗要等好耐下，達人當日就只有一個香港人負責煮野食，據呢位香港廚師話之前有位日本男人負責煮的，不過已經無做返左日本，夜晚就會有個日本女人負責（相信係老闆娘啦）。

大阪薄餅及漢堡扒 @ 遊樂 - 漢堡扒定食

2007-04-07T13:30:00.000+08:00

蓋著的係一球免治豬肉。

炒野菜，阿廚師唔記得落調味呀～

呢個就係漢堡扒定食喇，賣相幾骨子！

前菜：薯仔球和沙律

麵豉湯，不過個味同出面的開粉麵豉湯有少少分別

甜品：蜜桃乳酪

個漢堡真係幾好味呀，D肉好淋，加埋D汁，送飯一流。

大阪薄餅及漢堡扒 @ 遊樂 - 大阪薄餅

2007-04-07T13:15:00.000+08:00

佢地最出名的大阪燒餅，燒餅確係幾細下，味道比達人在大阪鶴橋風月食的無咁濃，可能佢地落少D汁，所以達人比較喜歡呢個燒餅多D。

鐵板燒及壽司 @ 市川日本料理

2007-04-06T14:00:00.000+08:00

市川日本料理 - 環境 + Menu

市川日本料理 - 銀鱈魚安格斯肉眼鐵板薄燒

市川日本料理 - 碎蔥吞拿魚腩什錦壽司拼魚生卷

鐵板燒及壽司 @ 市川日本料理 - 環境 + Menu

2007-04-06T13:45:00.000+08:00

地點：太古城中心
時間：Lunch Time
價錢：銀鱈魚安格斯肉眼鐵板薄燒 $148；碎蔥吞拿魚腩什錦壽司拼魚生卷 $135

知道呢間日本料理已經開左好幾年，不過次次去太古城，唔係去翡翠食小籠飽就係去Uny食。今次去太古城時，Uny又裝俢，翡翠又執左，所以就決定試下近期達人最愛的鐵板燒吧～

係呢度食鐵板燒係無得面對面燒，佢係鐵板位燒好後送上枱面，所以無咁好風味。另外有魚生枱可以坐，壽司刺身就係呢度製作喇～

達人一家今次叫左兩個Lunch Set：銀鱈魚安格斯肉眼鐵板薄燒，碎蔥吞拿魚腩什錦壽司拼魚生卷。

鐵板燒及壽司 @ 市川日本料理 - 銀鱈魚安格斯肉眼鐵板薄燒

2007-04-06T13:30:00.000+08:00

首先講下個銀鱈魚安格斯肉眼鐵板薄燒。
千島野菜沙律：無特別，No Comment。

銀鱈魚加燒魷魚：原來銀鱈魚點少少蛋黃醬又幾好味喎～

安格斯肉眼鐵板薄燒加炒野菜：無特別，真係同一片好普通好普通的雪花牛無咩分別。

燒飯：暫時都係和三昧個飯好味好多，比起銀座都差～

味噌汁：無特別，No Comment。

最後的甜品紅豆糕：唔係太甜，OK好味啦～

鐵板燒及壽司 @ 市川日本料理 - 碎蔥吞拿魚腩什錦壽司拼魚生卷

2007-04-06T13:15:00.000+08:00

另一個Set：碎蔥吞拿魚腩什錦壽司拼魚生卷
喬麥冷麵幾清涼，都幾好味喎～

魚生幾新鮮，不過唔算叫好味喎，但係點都叫好過元綠元氣的。

最後甜品係柚子茶：一般。

咦～點解唔係有蟹子沙律咩，唔係達人唔記得影，係佢俾漏左呀，仲要係返到屋企睇相至發現，蝕左啦～～～～～